بواسطة: Admin بتاريخ : الأحد 20-07-2008 01:33 صباحا
لماذا العند و المكابرة الحضرى موقوف موقوف و موضوعه حيخلص زى موضوع الكابتن حسنى عبد ربه
ما حيخلص
و اللى انا عارفه من العالمين ببواطن الامور فى الفيفا ان الموضوع حيحسم اسرع من موضوع الكابتن حسنى لانه واضح للغاية و ذلك للا *** الآتية
1- الحضرى هرب من ناديه فى منتصف الموسم و مش فى فترة انتقالات .
2- الحضرى مرتبط بعقدين لناديين مختلفين فى وقت واحد
3- سيون استولى على اللاعب بدون اى استئذان و لو صدر حكم لصالح الحضرى و سيون مثلا فتوقعوا ان اى لاعب مصرى يكون بيلعب فى نادى خليجى تانى يوم الحكم و الاهلى مثلا يضم عمر جمال و هانى سعيد ومحمود فتح الله فى ثوانى ما هى الفلوس حتشتغل ساعتها و اى لاعب زعلان من ناديه ولا مدربه يروح تانى يوم لمنافسه ولا ايه يا كابتن حسن .
فالموضوع خالص و الحضرى حيتوقف قريبا جدا و ربما فى الشهور القليلة القادمة و ساعتها سوف يخرج علينا الاخ احمد سليمان بان ثقته غير محدودة فى الاخ محمد عبد المنصف و ساعتها حتكون مجموعة مصر مكونة من الكاميرون و المغرب و انجولا مثلا.
و طبعا احنا حنتسبب كالعادة فى صعود المغرب و لكن نعود للموضوع الاصلى ماعدد المباريات اللى لعبها محمد عبد المنصف كحارس لمنتخب مصر.
و لا احمد سليمان و حسن شحاته ساعتها حيعملوا زى مانويل و احمد ناجى ما بيعملوا مع امير و يالا يامصر نقف ورا
عبد المنصف .
لا اعرف لماذا لا يستغل الجهاز الفنى للمنتخب المجموعة السهلة التى نلعب معها لاعداد عبد المنصف او امير عبد الحميد لمباريات المرحلة الثانية الاصعب و التى غالبا سوف تتوافق مع ايقاف الحضرى.
يا جماعة والله فيه نظام بس نظام الفيفا بطىء حبتين و لا تصدقوا اخواتنا بتوع الفضائيات اللى بيتكلموا عن التظبيط والقضايا اللى بتخلص من تحت الطرابيزة وامامنا قضايا شيكابالا و عبد ربه خير مثال
الموضوع مش اهلى و زمالك و مش حضرى واهلى لان الحضرى حيتعاقب حيتعاقب الموضوع اصله مش بلطجة.
الموضوع منتخب مصر هوه اللى حيدفع التمن والشعب الغلبان هوه اللى حينقهر كالعادة.
المشاركة السابقة : المشاركة التالية 
ماذا سوف يفعل شحاته عندما يتم ايقاف الحضرى ؟
بواسطة: 
